Оның хабарлауынша, жол-көлік оқиғаларының 90%-ы жүргізушілердің кінәсінен болады. Бұған 2016 жылы автомектептерді лицензиялау және оларға бақылаудың жойылуы, өзін-өзі даярлауды енгізу әсер етті. Салдарынан он мыңдаған жүргізуші оқымай, куәлік алуға емтихан тапсырған. Сондықтан жүргізушілердің өзін-өзі даярлауды жою бойынша түзетулер енгізілді.
«Қазір автомектептерді лицензиялау, жол жүрісі қағидаларын бірнеше рет бұзғаны үшін жүргізуші құқығынан айыру бойынша заңдарға түзетулер әзірлеудеміз. Министрлік жолдарда тәртіп орнату бойынша үлкен жұмыс жүргізуде. Бақылауды күшейттік. Біз тексерістер мен жедел-профилактикалық іс-шаралар жүргіземіз. Цифрлық шешімдерді де енгізудеміз. Қалаларда жол жүрісі қағидаларын бұзуды тіркейтін 25 мың автоматты камера орнатылған. Біз патрульдік көліктерді де радарлармен жабдықтап отырмыз. Жол қозғалысына қатысушыларды қауіпсіздік саласына тартамыз. «Жасырын» патрульдеуді енгіздік. Әкімдіктер мен қызметтік және қоғамдық көліктерге, жедел жәрдемге камералар орнатудамыз. Қасақана құқық бұзушылар бойынша «ҚОРҒАУ» бағдарламасы белсенді жұмыс істеп жатыр. Қорытынды – 2024 жылы Жол жүрісі қағидаларын бұзу жағдайларын 42%-ға көбірек анықтадық», – деді спикер.
Жылдамдықты 60 шақырым/сағ және одан жоғары арттырғаны үшін неғұрлым қатаң жауапкершілік енгізілді, енді 40 айлық есептік көрсеткіш мөлшерінде айыппұл салынады. Орташа жылдамдықты бақылау заңнамалық түрде енгізілді. Қазірдің өзінде 15 мыңға жуық құқық бұзушылықтар анықталды. 1 қаңтардан бастап жеке тасымалдаушыларға жаңа талаптар күшіне енді. Олар өз қызметінің басталуы туралы әкімдіктерге хабарлама беруге, күнделікті рейс алдындағы және рейстен кейінгі медициналық тексеруден өтуге, автокөлікті күнделікті техникалық қарап-тексеруден өткізуге, еңбек және демалыс режимін сақтауға міндетті. Бақылау интернет-платформалардың иелеріне жүктеледі. Сонымен қатар электросамокаттарды есепке алу мүмкіндіктері, тротуарлар бойынша олардың қозғалысына шектеулер енгізу, медициналық қарсы көрсетілімдер болған кезде жүргізуші куәлігінің қолданылуын тоқтата тұру мәселелері қарастырылып жатыр.
Ағымдағы жылдың 13 наурызынан бастап Әкімшілік құқық бұзушылықтардың жаңа құрамы енгізілді. Мәселен, автомобильдің қозғалысын уақытында кабинадан бас шығару. Бұл норма, ең алдымен, жолаушыларды тасымалдау кезінде өмір мен денсаулықтың қауіпсіздігіне бағытталған, бұрын мұндай норма болмаған. Мектеп бітіру кештері мен үйлену тойлары кезінде көптеген адамдар өздерінің қауіпсіздігіне мән бермейді және осындай әрекеттерді жасайды. Енді оның қозғалысы кезінде автомобиль кабинасынан басын шығарғаны үшін 10 айлық есептік көрсеткіш айыппұл салынады. Бұл ретте жауапкершілік жолаушыға да, жүргізушіге де тең дәрежеде әсер етеді, бұл қосымша профилактикалық әсер береді.
