Қарағанды облысында өрт қаупі жоғары маусымға дайындық күшейтілді. Аймақ басшысы Ермағанбет Бөлекпаевтың төрағалығымен өткен жиында алдын алу шаралары талқыланды.
ТЖД мәліметінше, аудандарда мобильдік топтар құрылып, 1390 адам, 313 техника мен жабдық дайын тұр. Орман алқаптарына жақын аумақтарға ерекше назар аударылуда.
2025 жылға арналған алдын алу жоспары бекітіліп, алғаш рет Қу ормандарын авиациялық қорғау қолға алынды. Бірқатар елді мекендерде ерте анықтау камералары орнатылып, бір мұнара жөнделді. Алты өрт сөндіру станциясы салынды.
Билік тұрғындарды қауіпсіздік ережелерін сақтап, құрғақ шөп өртемеуге шақырады.
Сонымен қатар, биыл ұлттық парктерде алты жаңа станция салу жоспарлануда.
