Қарағанды облысында өрт сөндіру қызметі жаңа 17 арнайы техникамен толықты. Көліктер барлық қажетті құрал-жабдықтармен жабдықталып, облыстың түрлі аудандарына таратылды. Техника облыстық бюджет есебінен, азаматтық қорғау жүйесін дамыту тұжырымдамасы аясында сатып алынды.
Салтанатты шараға облыс әкімі Ермағанбет Бөлекпаев пен ТЖ министрі Шыңғыс Әрінов қатысты. Әкім соңғы жылдары қаржыландыру екі жарым есеге өсіп, ондаған техника сатып алынғанын айтты. Өрт сөндіру бөлімшелерінің саны артып келеді.
Министр қызметкерлерді техниканы ұқыпты пайдалануға шақырып, жаңа көліктер төтенше жағдайлармен күресте үлкен көмек болатынын атап өтті.
