Қарағанды қаласындағы «Жастар» Мәдениет үйінде «Алдын алу жылы» мен «Жасөспірім» акциясы аясында кәмелетке толмағандар арасында есірткі мен нашақорлықтың алдын алуға бағытталған түсіндіру дәрісі өтті. Іс-шараны ювеналды полиция инспекторлары мен есірткі қылмысына қарсы бөлім ұйымдастырды.
Қатысушыларға есірткі мен психоактивті заттардың зияны туралы ақпарат беріліп, бейнероликтер мен презентациялар көрсетілді. Есірткі тарату тәсілдері мен ҚР ҚК 296, 297, 299-1-баптарына сәйкес жауапкершілік түсіндірілді. Сондай-ақ, құқықбұзушылықтың алдын алу үшін заң нормалары қарапайым тілмен жеткізілді.
Іс-шараға 9 мектеп пен агротехникалық колледждің 506 оқушысы қатысып, дәріс үлкен қызығушылық тудырды.
