Қарағандыда "Жасөспірім" және "Қауіпсіз жол" шаралары аясында ювеналды полиция инспекторлары мектеп оқушыларымен бірлесіп алдын алу жұмыстарын жүргізуде.
Ж.Ақбаев атындағы мектептің "Жас сақшы" сыныбы мен №95 мектеп-гимназиясының жас жол инспекторлары белсенділік танытты.
Интерактивті кездесулерде жол ережелері талқыланып, жаяу жүргіншілер мен велосипедшілердің қауіпсіздігіне ерекше назар аударылды.
Балалар жарық шағылыстыратын элементтер мен жылдамдық шектеуінің маңызын түсіндірді.
"Жас сақшылар" қауіпсіздік ережелері бойынша дәрістер оқыса, жол инспекторлары көрнекі материалдар мен ойындар ұйымдастырды.
Мұндай ынтымақтастық балаларда заңға құрмет пен жауапкершілікті нығайтуға ықпал етеді.
Ұйымдастырушылар бастаманы аудан көлемінде кеңейтуді көздеп отыр.
Қарағандыда тәртіп пен жол қауіпсіздігін сақтауға полицияның жас көмекшілері атсалысуда
