Маңғыстау облысындағы Ақтау портының акваториясында теңізде жүзу қауіпсіздігін қамтамасыз ету үшін тереңдету жұмыстары жүргізіледі. Түбін бір жарым-екі метрге тереңдету жоспарлануда, деп хабарлайды No-comment.kz - ҚР Көлік министрлігіне сілтеме жасап.
Мамандар ірі еуропалық Jan De Nul компаниясының мамандандырылған тереңдету техникасын тартады. Тереңдету жұмыстары терминал қуатын және инвестиция көлемін арттыруға мүмкіндік береді.
Бүгінгі таңда Ақтау портының өткізу қабілеті шамамен 15 млн тоннаны құрайды, оның ішінде 140 мың ЖФЭ.
Биылғы мамыр айында арнайы техниканы жұмылдыру жұмыстары аяқталады. Тереңдету жұмыстарын биылғы жылдың төртінші тоқсанында аяқтау жоспарлануда.
Аталған жұмыстар Транскаспий халықаралық көлік бағытын дамыту аясында қабылданып жатқан кешенді шаралардың бір бөлігі.
TКХБ бойынша контейнерлік тасымалдау көлемі ағымдағы жылдың бірінші тоқсанында 3,5 есеге өсіп, 25 мың ЖФЭ құрады (2024 жылдың сәйкес кезеңінде 7,2 мың ЖФЭ).
