Алматыдағы №120 гимназияда прокуратура органдарының ардагері Гүлнар Бердібекова жоғары сынып оқушыларымен кездесу өткізіп, құқықтық сана мен заңға құрметті насихаттады. Іс-шара құқық бұзушылықтың алдын алу және жастар арасында адалдық пен жауапкершілік құндылықтарын қалыптастыруға бағытталған.
Спикер құқықтық мәдениеттің маңыздылығына тоқталып, сыбайлас жемқорлыққа қарсы ойлау мен азаматтық ұстанымның рөлін атап өтті. Кездесу интерактивті форматта өтіп, оқушылар белсенді түрде пікір білдіріп, сұрақтар қойды.
Құқықтық тәрбие — құқық бұзушылықтың алдын алудағы негізгі құрал. Мұндай кездесулер жасөспірімдердің құқықтық мәдениетін арттырып, құқыққа қайшы әрекеттерден бас тартуға түрткі болады. Статистика көрсеткендей, ерте жаста құқықтық құндылықтарды түсінген жастар қылмыстық және әкімшілік құқықбұзушылықтарға сирек барады.
No-comment.kz
