«Заң және тәртіп» республикалық акциясы шеңберінде Қарағанды қаласы Қазыбек би ауданы прокуратурасы, облыстық Сыбайлас жемқорлыққа қарсы қызметпен, облыс әкімдігі және полиция департаментімен бірлесіп, азаматтарды көшпелі қабылдау ұйымдастырды.
Қабылдау барысында тұрғындарға заңдылықты сақтау, құқықтарды қорғау және заңнамалық нормалар бойынша жан-жақты түсіндіру жұмыстары жүргізілді. Жүгінген азаматтарға нақты құқықтық көмек көрсетіліп, сұрақтарына заң аясында жауап берілді.
Мұндай іс-шаралар – халық пен мемлекеттік органдар арасындағы сенімді нығайтып, құқықтық мәдениетті арттыруға бағытталған маңызды қадам. Тұрғындардың белсенділігі мен ашық пікір алмасу заң үстемдігін қамтамасыз етуде шешуші рөл атқарады.
