Шығыс Қазақстан ауыл шаруашылығы тәжірибе станциясының базасында күнбағыс өсірудің өзекті мәселелеріне арналған семинар өтті, деп хабарлайды No-comment.kz - ҚР Ауыл шаруашылығы министрлігіне сілтеме жасап.
Мемлекеттік ғылыми зерттеулер мен агротехнологияларды қолдау бағдарламасы аясында ұйымдастырылған бұл шараға өңірдің фермерлері, ауыл шаруашылығы тауар өндірушілері және тұқым шаруашылықтарының өкілдері қатысты.
Семинардың негізгі спикері – майлы дақылдар селекциясы саласындағы сарапшы Ольга Гаврилова болды. Ол Шығыс Қазақстан жағдайына бейімделген гибридтерге шолу жасап, ExpressSun, Clearfield және классикалық жүйелер сынды түрлі өсіру технологияларын таныстырды. Ерекше көңіл аурулар мен зиянкестерден қорғау әдістеріне, тұқым шаруашылығының ерекшеліктеріне және мемлекеттік қолдау шараларына бөлінді.
Агроном-сарапшы Бақытжан Қариполданов тұқым шаруашылығы мен өсімдіктерді қорғау саласындағы практикалық тәжірибесімен бөлісті.
Қатысушылар күнбағыс өсіру технологиялары, мемлекеттік қолдау шаралары және тұқым шаруашылығына қатысты тәсілдер бойынша белсенді пікірталас жүргізді. ШҚ АШТС-ның демонстрациялық алқаптарында фермерлер күнбағыс сорттары мен гибридтерін өсіруде қолданылған түрлі агротехнологиялардың нәтижелерімен танысты.
Семинар соңында қатысушыларға сертификаттар табысталды, ал қонақтар шараны ұйымдастырушыларға пайдалы әрі мазмұнды формат үшін алғыстарын білдірді.
