Марафон ауқымы жылдан жылға ұлғайып, бүгінде кәсіпқой спортшылар ғана емес, спорт жанкүйерлерінің де алаңына айналды.
Шымкент қаласының әкімдігі қолдау көрсеткен бұқаралық жүгіру сайысына 7 мыңға жуық адам қатысты. Жеңімпаздар мен жүлдегерлерге ақшалай және демеушілердің бағалы сыйлықтары табыс етілді.
Дистанциялар бойынша 5, 10, 21 және 42 шақырым және скандинавиялық жүрістен, сонымен қатар, Экиден (42 шақырымдық эстафета) жеңімпаздар анықталды. Жүгіру марафоны Әл-Фараби алаңынан басталып, сол алаңда мәресіне жетті.
