Қазақстан Республикасы Төтенше жағдайлар министрлігі Өртке қарсы қызмет комитетінің төрағасы Ерлан Төрегелдиев Қостанай облысы Денисов ауданының Свердловка ауылында 182-ші «Ауыл құтқарушылары» ерікті өртке қарсы құралымын ашты, деп хабарлайды No-comment.kz - ҚР Төтенше жағдайлар министрлігіне сілтеме жасап.
Жаңа бекет 1800 ден астам адам тұратын Подгорный, Зааятское, Аясткое және Качержиновка елді мекендерін өрттен қорғаумен қамтамасыз етеді.
182 -ші «Ауыл құтқарушылары» бекеті жергілікті кәсіпкер Инна Корнееваның қолдауымен салынды. Мұнда еріктілердің тәулік бойы кезекшілік атқаруына барлық қажетті жағдай жасалған.
ТЖМ тарапынан өрт сөндіру автоцистернасы, өрт-техникалық жабдықтар, арнайы қорғаныш киімдері берілді.
Еріктілер өрт қауіпсіздігінің негіздері, өрттер мен төтенше жағдайлар кезінде іс-қимыл жасау, сондай-ақ өрт-техникалық жабдықтар мен байланыс құралдарын пайдалану бойынша оқытудан өтті.
Қазақстанда 182-ші «Ауыл құтқарушылары» ерікті өртке қарсы құралымы ашылды
