Бүгін 10 тамыз – Абай күніне орай, Арыс қаласының орталық кітапханалар жүйесінің бас ғимаратындағы Абай бюстінің алдында арнайы шара ұйымдастырылды.
Оған қала әкімінің кеңесшісі Гүлнәр Сапарымбет пен әкім орынбасары Рысдәулет Айтбаев, кітапхана қызметкерлері мен кітапсүйер қауым қатысты.
Сондай-ақ ол жерде қазақ халқының ұлы ақыны, қара сөздің хас шебері, ұлт ойшылы Абай Құнанбаевқа арналған «Абай мұрасы – халық ұлағаты» атты іс-шара ұйымдастырылып, кітап көрмесі оқырмандарға таныстырылды.
Шара аясында Абай ескерткішіне гүл шоқтары қойылды.
"АСЫЛ СӨЗДІ ІЗДЕСЕҢ, АБАЙДЫ ОҚЫ, ЕРІНБЕ..."
