Республика күні мерекесі қарсаңында Түркістан облысының мемлекеттік қызметшілері салтанатты түрде Ант берді. Ант беру рәсіміне Түркістан облысы әкімі аппаратының басшысы Әуелхан Тұрғымбеков қатысып, мемлекеттік қызметшілерге сәттілік тіледі.
– 25 қазан – Республика күні мерекесі қарсаңында Түркістан облысының жергілікті атқарушы органдарында мемлекеттік қызметке жаңадан қабылданған азаматтардың Ант беру рәсімдері өткізілуде. Сіздерге үлкен жауапкершілік жүктеліп отыр. Ол – ел сенімін ақтау, мемлекетке адал қызмет ету. Алған білімдеріңіз бен күш-қайраттарыңызды мемлекетіміздің, облысымыздың өсіп-өркендеуіне жұмсайды деп сенім білдіре отырып, жұмыстарыңызға, бастамаларыңызға табыс тілеймін, – деді Ә.Тұрғымбеков.
Түркістан облысы әкімінің баспасөз қызметі
РЕСПУБЛИКА КҮНІ ҚАРСАҢЫНДА ТҮРКІСТАНДЫҚ МЕМЛЕКЕТТІК ҚЫЗМЕТШІЛЕР АНТ БЕРДІ
