Алматы әкімі Ерболат Досаев пен ҚР Оқу-ағарту министрі Ғани Бейсембаев білім беру жүйесін дамытудың 2023-2029 жылдарға арналған өңірлік жол картасына қол қойды. Жол картасын әкімдік Алматының 2030 жылға дейінгі даму бағдарламасы аясында әзірлеген, онда сапалы білім беруді дамытуға ерекше мән берілді.
«Бүгін біз қол қойған жол картасы орта білім беру мәселелерін шешу, педагогтеріміздің біліктілігін арттыру және басқа да маңызды мәселелермен толықтырылғанына қуаныштымын», - деді Ерболат Досаев.
Бұл оқушы орындарының тапшылығын азайтуға, педагогтардың біліктілігін арттыруға, мектептерді заманауи жабдықтармен жабдықтауға және т.б. бағытталған.
Жол картасы балалардың шығармашылық және зияткерлік әлеуетін дамыту, олардың құқығын қорғау және сыбайлас жемқорлыққа қарсы іс-қимыл шараларын қамтыды.
Алматыда білім беру жүйесін дамытудың жол картасы қабылданды
