"Шаңырақ" және "Алатау" әлеуметтік қызмет көрсету орталықтарында Наурыз мерекесіне арналған концерт өтті. Оған ардагерлер, мүгедектер, нейропсихиатриялық ауруы бар балалар қатысты.
Мұнда ардагерлердің қолдан жасаған суреттер мен қолөнер көрмесі өтті. Көрмеде зейнеткерлердің қолынан шыққан бисерден жасалған бұйымдар және кескіндеме қойылған.
Көктем және жаңару мерекесімен қала әкімінің орынбасары Әсем Нүсіпова құттықтады. Ол қолөнер көрмесін тамашалады, орталық қонақтарымен және қонақтарымен сөйлесті.
Би, халық әндері мен ұлттық ойын болды. "Туған ауылым" киіз үйлері мен ақ дастархан мерекелік көңіл-күйдің көрігін қыздырды.
Концерттен кейін қонақтарға наурыз көже мен бауырсақ таратылды. Сөз соңында орталық ардагері бата беріп, жүрекжарды лебізін жолдады.
Балалар мен ардагерлер үшін мерекені Алматының жұмыспен қамту және әлеуметтік бағдарламалар басқармасының қолдауымен орталықтардың қызметкерлері, сонымен қатар, қала тұрғындары мен кәсіпкерлер ұйымдастырды.
Әлеуметтік қызмет көрсету орталықтарында Наурыз мерекесіне арналған концерт өтті
