Аудан прокуратруасының ұйымдастырумен Бәйдібек ауданының прокуроры Н.Ешенқұлов және аудан прокурорының орынбасары Ғ.Тұрманов бүгін Борлысай, Жарықбас, Көктерек және Шаян ауылдық округі тұрғындарымен кездесу өткізді.
Жиынға аудандық полиция бөлімінің басшысы Н.Әжібеков, аудан әкімінің орынбасары Б.Жанғазиев, дербес бөлім, мекеме басшылары мен ауылдық округ әкімдері қатысты.
Кездесу барысында тұрғындардың көкейінде жүрген өзекті мәселелер: жайылым жер, ауыз су, интернет жүйесі, электр жарығы бойынша сұрақтарына жауаптар беріліп, құқықбұзушылық және кәмелетке толмағандардың құқықбұзушылық профилактикасы, суицид, ерте жүктілік, жол көлік оқиғалары, мал ұрлығы, алаяқтық, оның ішінде интернет алаяқтық қылмыстары бойынша түсіндірме жұмыстары жүргізілді.
Кездесу қорытындысымен бірқатар мәселелер назарға алынып, оңды шешімін табу мақсатында хаттамаға енгізілді.
Тиісті жұмыстарды жүргізу үшін жауапты мекемелерге аудан прокуроры тарапынан тапсырмалар берілді.
Кездесу бекітілген кестеге сәйкес жалғасатын болады.
БӘЙДІБЕК: АУДАН ПРОКУРОРЫНЫҢ ТҰРҒЫНДАРМЕН КЕЗДЕСУІ БҮГІН ТӨРТ АУЫЛДЫҚ ОКРУГТЕ ӨТТІ
