Бүгін аудан әкімінің міндетін уақытша атқарушы Хасанов Бахытбек ауыл тұрғындарын қабылдап, олардың мемлекеттік қайтарымсыз грант алу туралы өтініштерін тыңдады.
Жеке қабылдау барысында Ақбұлақ ауылының тұрғыны, көп балалы отбасының иесі Ж.Тұмышев «Термопанель өндіру» бойынша жасаған бизнес жобасын таныстырып, осы жоба тиісті мекеме тарапынан қолдау табуына және қаржыландыруына ықпал етуін сұранды.
Ал, кейінгі кезекте Ақсукент ауылының тұрғыны, мүгедектігі бар азаматша Г.Шерметова әлеуметтік көмекке мұқтаж екенін айтып, кәсіптік оқу курсына жолдау және кәсіпкерлік ісін бастау үшін бизнес жобасын жасауға көмек беруді өтінді.
Жеке қабылдау соңында Бахытбек Сембекұлы аталған мәселелерді тыңдап, шешу жолдарын қарастыратынын түсіндірді. Өз кезегінде Сайрам ауданы әкімдігінің халықты жұмыспен қамту орталығының басшысына әлеуметтік салаға қатысты мәселелерді бақылауына алып, заң аясында тиісті жұмыстарды атқаруды тапсырды.
ЖЕКЕ ҚАБЫЛДАУДА ӘЛЕУМЕТТІК САЛАҒА ҚАТЫСТЫ МӘСЕЛЕЛЕР ТЫҢДАЛДЫ
