Аудан әкімі Арман Сәбитовтің жеке қабылдау кестесіне сәйкес, аудан тұрғындарын қабылдады.
Ауылдық округтерінен келген азаматтар жерді заңдастыру, кіші және орта кәсіпкерлікті қолдау, мектептің тозығы жетуіне байланысты қосымша ғимарат салу, санитарлық тазалықты сақтау, инфрақұрылым және коммуналдық жүйелермен қамтамасыз ету секілді талап-өтініштерін жеткізді.
Аудан басшысы аталған мәселелердің кезең-кезеңімен, заңға сәйкес шешімін табу үшін белгілі бір уақытты талап етілетінін, сонымен қатар қаржы көзін қарастырудың қажеттілігі болатынын түсіндірді.
Қабылдау барысында тұрғындардан тыңдалған ұсыныс-пікірлер бақылауға алынып, сала басшылары мен тиісті ауылдық округтерінің әкімдеріне зерделеуге, нақты жұмыстарды атқаруға тапсырылды, деп хабарлайды Сайрам ауданы әкімінің баспасөз қызметіне сілтеме жасаған no-comment.kz.
САЙРАМ: ТҰРҒЫНДАРДЫҢ ӨТІНІШТЕРІ МЕН ҰСЫНЫСТАРЫ ТЫҢДАЛДЫ
