Бүгін аудан Арман Абдуллаев азаматтарды жеке мәселелері бойынша қабылдады. Әр аптаның бейсенбі күні өтетін аудан әкімінің жеке қабылдауында алдын ала жазылған 9 тұрғынның өтініштері қаралды.
Қабылдауға келген тұрғындар тұрғын үй кезегі,мектеп формасы, жұмысқа орналасу,жер мәселесі ,әлеуметтік көмек және жеке мәселелері бойынша өтініштерін жеткізді.
- Біздің мақсатымыз – жеке қабылдауға келген тұрғындардың өтініштері шешу жолдарын қарастырып,қанағаттандыру. Алайда, әр мәселе заң аясында шешілуі тиіс екенін де ескерткім келеді,-деді аудан басшысы.
Аудан басшысы қабылдау барысында тұрғындар көтерген барлық өтініштерге мардымды жауап беріп, әрбір мәселеге талқылау жасап, шешу жолдарын қарастырды.
Сондай-ақ, қосымша уақыт талап ететін мәселелерді жеке бақылауында ұстайтындығын айтып, жауапты дербес бөлім басшылары мен қала, кент және ауылдық округ әкімдеріне тұрғындардың мәселелерін қолданыстағы заңнама аясында шешуді тапсырды.
САРЫАҒАШ: ТҰРҒЫНДАРДЫҢ ТАЛАП-ТІЛЕКТЕРІ ТЫҢДАЛДЫ
