Бүгін аудан басшысы Арман Абдуллаев кезектілік тәртібімен азаматтарды жеке мәселелері бойынша қабылдады. Аудан әкімінің жеке қабылдауына алдын ала жазылған 19 тұрғынның өтініштері қаралды.
Қабылдауға келген тұрғындар табиғи газ және таза ауыз сумен қамтамасыз ету, тұрғын үй кезегі, қайтарымсыз несие, әлеуметтік көмек және жеке мәселелері бойынша өтініштерін жеткізді.
Сонымен қатар,аудан әкімі қабылдау тізімінен тыс келген тұрғындарды тұрғын үй кезегі мәселесі бойынша аудан әкім аппаратының бірінші қабатында қабылдады.
Аудан басшысы әрбір мәселеге жеке-жеке талқылау жасап шешу жолдарын қарастырды. Сондай-ақ, тұрғындардың мәселелерін бақылауда ұстайтындығын айтып, жауапты дербес бөлім басшылары мен қала, кент және ауылдық округ әкімдеріне тиісті тапсырмалар берді.
САРЫАҒАШ: КЕЗЕКТІ ЖЕКЕ ҚАБЫЛДАУ ӨТТІ
