Бүгін аудан басшысы Арман Абдуллаев азаматтарды жеке мәселелері бойынша қабылдады. Аудан әкімінің жеке қабылдауында 14 тұрғынның өтініштері қаралды.
Қабылдауға келген аудан тұрғындары тұрғын үй кезегі, коммуналдық тұрғын үйлерді жекешелендіру, кәсіп бастау, тұрғын үй беру, мектеп және жер мәселелері жөнінде ұсыныс-пікірлерін жеткізді.
Аудан басшысы қабылдау барысында тұрғындар көтерген барлық өтініштерге нақты жауап беріп, әрбір мәселеге талқылау жасап, шешу жолдарын қарастырды.
Сондай-ақ, қосымша зерделеуді талап ететін мәселелерді жіті бақылауында ұстайтындығын айтып, жауапты дербес бөлім басшылары мен қала, кент және ауылдық округ әкімдеріне тұрғындардың мәселелерін қолданыстағы заңнама аясында шешуді тапсырды.
САРЫАҒАШ: ТҰРҒЫНДАРДЫ ЖЕКЕ СҰРАҚТАРЫМЕН ҚАБЫЛДАДЫ
