Қазақстан Республикасының Президенті Қасым-Жомарт Кемелұлы Тоқаевтың «Әкімдердің халықпен кездесулерін өткізу туралы» Жарлығы негізінде ауыл тұрғындарымен кездесу жаңа форматта өткізіліп жатыр. Барлық деңгейдегі әкімдер жыл бойы халықпен кездесулер өткізіп, жиын барысында халықты толғандыратын әлеуметтік мәселелерді тыңдайды.
Осыған орай ағымдағы жылдың 4 - қазан күні, Түлкібас кенті әкімдігінің ғимаратында кент әкімі Е.Айтымбетов кент тұрғындарымен кездесті.
Кездесуге мәслихат депутаты Е.Құлжанбаев және кент ардагерлері, ақсақалдары мен ауыл тұрғындары қатысты.
Халықпен кездесуде Түлкібас кент әкімі «Кентіміздің әлеуметтік-экономикалық дамуының 2023 жылдың IІІ-тоқсанында атқарылған және алдағы уақытта атқарылатын жұмыстары» туралы мәлімдеме жасады.
Кездесу барысында қойылған сұрақтарға кент әкімі және тиісті сала мамандары жауап беріп, көтерілген мәселелердің шешу жолдары мен орындалу кезеңі жайында айтып өтті. Тұрғындардың өтініштерін тыңдап, кездесу аяқталған соң ауыл тұрғындарының мәселесін дер кезінде шешу мақсатында бақылауға алып, сала мамандарына тапсырма берілді.
ТҮЛКІБАС: КЕНТ ТҰРҒЫНДАРЫМЕН КЕЗДЕСУ.
