Отбасы құндылығын дәріптеу мен жастар арасындағы ерте жүктіліктің алдын алу мақсатында Жастар ресурстық орталығының ұйымдастыруымен кездесу өтті.
Индустриалды-техникалық колледжінде өткен кездесуге Шымкент қаласының «Ана үйі» қоғамдық қорының үйлестірушісі Қалдар Жұмабайқызы және «Жастар ресурстық орталығы» КММ-нің инспекторы Әлім Арайлым қатысты.
Спикер отбасы құндылықтарына тоқталып, жасөспірімдер арасындағы ерте жүктіліктің қауіп-қатерімен бөлісті. Кездесуде шалыс басып, өткеніне өкінішпен қарайтын қыздардың ғұмырын алға тарта отырып, мысалдар келтірді. Сонымен қатар, «Ана үйі» қоғамдық қорының үйлестірушісі мекеменің жұмысымен таныстырды.
