Осындай тақырыпта Жастар ресурстық орталығының ұйымдастыруымен Оңтүстік Қазақстан көпсалалы колледжінің жастарымен кездесу өтті.
Оған Ардагерлер жанынан құрылған “Аналар” кеңесі төрайымы Қыздығой Баешева, “Ана мұраты” аналар тобының жетекшісі Зульфия Бекмырзақызы, Қаратау ауданың Ардагерлер жанынан құралған “Аналар” кеңес мүшесі Байбөриева Танагүл мен “Жастар ресурстық орталығы” КММ-нің психологы Жібек Сайдахан қатысты.
Жастарды отбасылық некелі өмірге дайындау, дұрыс көзқарас қалыптастырып, бағыт-бағдар беру мақсатында өткен кездесу шарасында спикерлер қоғамдағы қыз баласының рөлі, отбасын құруға деген дайындығы мен “қыз” ұғымының терминін тарқата сөз етті.
