Көлкент ауылдық округінде "Абдукахар" шаруа қожалығы 5 гектар жерге картоп егуді бастады.
Көктемгі дала жұмыстарымен танысу үшін аудан әкімі Ұласбек Сәдібеков бүгін бірқатар ауылдың егін алқабын аралады. Бұдан кейін Ақсу мен Қарасу ауылын ағын сумен қамтитын "Көтерме" каналының күрделі жөндеу жұмыстарымен танысты.
Аудан басшысы бастаған жұмысшы топ жұмысы қарқын алған тағы бірқатар нысанды аралады. Олардың қатарында Ақсуабад ауылындағы инфрақұрылым жүйелері қажет болған 32 гектар жер телімі мен осы ауылдағы Б.Райымкуловтың мал бордақылау шаруасы, Шапырашты ауылындағы Ақтан әулие бұлағы бар.
Шаруалардың жайын тыңдап, жағдайды көзбен көрген Ұ.Сәдібеков жауапты сала басшыларына келесі кезеңде атқаруы тиіс тапсырмаларды жүктеді.
«No-comment.kz»-ақпарат
