Спикердің айтуынша, Академияның магистратурасында кадрлар даярлау мемлекеттік білім беру тапсырысына сәйкес, сондай-ақ 2022 жылдан бастап ақылы негізде жүзеге асырылады. Мысалы, жыл сайын магистратурада 60 адам тегін оқи алады.
«Магистратурада сот жүйесі үшін кадрлар даярлауға байланысты іске асырылып жатқан білім беру бағдарламасының ерекшелігі сот ісін жүргізуге байланысты барлық пән бойынша тәжірибеге бағдарланған оқыту болып табылады. Академиядағы проблемалық оқыту мен пікірталас әдістері сот ісін жүргізудің белгілі бір мәселесі бойынша пікір алмасуға негізделген», – деді спикер.
Қанат Мусиннің айтуынша, Академияда сабақтарда сот процестерін жүргізу үшін рөлдік ойындар әдісі кеңінен қолданылады. Мұндай сабақты өткізу барысында магистранттар судья, прокурор, адвокат, сарапшылар мен тараптардың рөлдерін орындайды. Оқытудың бұл әдісі болашақ судьялардың кәсіби дағдыларын дамытуға ықпал етеді. Ойын сот процестерін шындыққа барынша жақындату үшін Академияда арнайы аудиториялар – сот қызметіне арналған атрибуттары бар азаматтық, әкімшілік және қылмыстық істер бойынша сот залдары жабдықталған.
«Академия өз жұмысында академиялық адалдық саясатын ұстанады, ол магистранттар арасында академиялық адалдықтың кез келген теріс көрінісіне төзбеушілікті тәрбиелеуге бағытталған, мысалы, алдау, плагиат, академиялық деректерді бұрмалау және т.б. Болашақ судьяларды дайындайтын университеттің бір ерекшелігі –сыбайлас жемқорлықтың кез келген теріс көрінісіне нөлдік төзімділік саясатына бейімділікті анықтау. Академия студенттерді оқуға ынталандыруда және білім беру процесіне белсенді қатысуда маңызды рөл атқаратын студенттерге бағытталған оқытуды қамтамасыз етеді. Академиядағы білім беру процесі магистранттың болашақ мамандығына бағытталған. Біз түлектердің теориялық білім мен практикалық дағдылардың қажетті деңгейіне ие бола отырып, сот төрелігін жүзеге асыруға барынша дайын болуына ұмтыламыз», – деді ол.
Магистранттардың 95%-дан астамы біліктілік емтиханын сәтті тапсырып, судьялар қатарын толықтырады.
