Ағымдағы жылдың 27 наурызында қоғамдық қауіпсіздікті қамтамасыз ету және құқық бұзушылықтардың алдын алу мақсатында Қарағанды қаласының Полиция басқармасы автопарктер мен жолаушылар тасымалымен айналысатын автопарк өкілдерімен жұмыс кездесуін өткізді. Кездесу көлік саласындағы ұрлықтарға қатысты мәселелерді талқылауға және қауіпсіздік деңгейін арттыру үшін бірлескен шешімдер іздеуге бағытталды, деп хабарлайды No-comment.kz ақпараттық агенттігі.
Кездесу барысында құқық қорғау органдары өкілдері қатысушыларды жолаушылар тасымалы саласындағы ұрлықтарға қатысты ағымдағы статистикалық мәліметтермен таныстырды. Жолаушылардың жеке заттарын ұрлау мәселелеріне басты назар аударылды.
"Жолаушыларды тасымалдаумен айналысатын автопарктермен өзара іс қимыл жасасу қылмыстардың алдын алуда өте маңызды рөл атқарады. Қауіпсіздік шараларын жақсартудан бөлек, жүргізушілер мен жолаушыларды қылмыстық құқықбұзушылық фактілерінен хабардар ету де маңызды", — деді Қарағанды қаласы Полиция басқармасының криминалдық полиция бөлімінің бастығы полиция подполковнигі Б. Омаров.
Сонымен қатар, жолаушылардың қауіпсіздігін қамтамасыз ету үшін автобустар мен маршруттық таксилерде бейнебақылау орнату және көлік саласындағы қызметкерлердің біліктілігін арттыру мәселелері талқыланды.
Кездесу қорытындысында қатысушылар тұрақты кездесулер өткізу, бірлескен рейдтер мен жүргізушілер мен жолаушылар үшін оқыту шараларын ұйымдастыру туралы келісімге келді. Барлық тараптар бірлескен жұмыс нәтижесінде ұрлық деңгейін айтарлықтай төмендетуге және қоғамдық көлікке деген азаматтардың сенімін арттыруға болады деп сенім білдірді.
