Түлкібаста 400 ірі қараға шақталған сүт фермасының құрылысы басталды

Түлкібаста 400 ірі қараға шақталған сүт фермасының құрылысы басталды

Түлкібас ауданында 400 ірі қараға шақталған сүт фермасының құрылыс жұмыстары басталды. Жоба құны 2,5 млрд теңгені құрайтын нысан құрылысын «Майлыкент сүт» ЖШС іске асыруды көздеп отыр. Қазіргі таңда серіктестікке тиесілі 12 гектар жер толығымен қоршалып, ол жерде 4200 шаршы метр қора мен 1400 шаршы метр жем қоймасының құрылысы жүруде, деп хабарлайды No-comment.kz ақпараттық агенттігі.

Ауданың мал шаруашылығы саласына өзіндік серпін беретін нысанға аудан әкімі Асқар Естібаев жауапты мамандармен арнайы барып, жұмыс барысымен танысты. Кәсіп иесімен сұхбат құрып, өтінішін тыңдады. Кәсіпкер жобаны толық бітіруге 2,5 млрд теңге қаржы кететінін алға тартып, соның 40 пайызға жуығын өз қаражаты есебінен іске асыратындығын жеткізді. Қалған қаржыны мемлекеттен жеңілдетілген несие алуға қолдау білдіруін сұрады.

Аудан басшысы ауқымды жобаны іске асырып жатқан кәсіпкерге заң аясында барлық қолдауларды көрсетуге дайын екендігін атап өтіп, ісіне сәттілік тіледі. Өзінің жоғары сападағы өнімімен танымал «Майлыкент сүт» зауыты бүгінгі таңда сүтті ауыл-ауылдан жинап, өңдеп келеді. Қазіргі таңда кәсіпкер Голландия елінен 400 бас сүт бағытындағы асыл тұқымды сиырларды алуға келісім жасап қойған. Одан бөлек, өндірістің қуаттылығын арттыру мақсатында Түркия елімен заманауи қондырғыларды алғызу бойынша келіссөздер жүргізуде.

Қазір оқылып жатыр

Толығырақ

Қазақстан Республикасы Президенті Әкімшілігінде Президент көмекшісі Тамара Дүйсенованың төрағалығымен Мемлекет басшысының 2024 жылғы 2 қыркүйектегі...

Елімізде бір жылда көлік саны 300 мыңға ұлғайды. Өтіп бара жатқан көліктің транзиті 3 млн бірлікке дейін артты. Бұл ретте инфрақұрылым әлсіз...