Түркістан облысына жоспарлы жұмыс сапары аясында Қазақстан Республикасының Төтенше жағдайлар вице-министрлері Кеген Тұрсынбаев және Рамиль Камалов туризм, демалыс нысандары мен ауылдық елді мекендердегі қауіпсіздік жағдайына мониторинг жүргізді, деп хабарлайды No-comment.kz - ҚР Төтенше жағдайлар министрлігіне сілтеме жасап.
ТЖМ басшысының тапсырмасы бойынша жаз мезгілінде азаматтардың қауіпсіздігін қамтамасыз етуге ерекше көңіл бөлінді, себебі бұл кезеңде демалушылар саны айтарлықтай артады. Ведомство өкілдері өрт пен су қауіпсіздігін ұйымдастыру жағдайларымен, персоналдың дайындығымен және халыққа арналған профилактикалық шаралардың барысымен танысты.
Сапар барысында төтенше жағдайлар қаупін азайтуға бағытталған нақты шаралар талқыланды:
- жүйелі профилактикалық жұмыстарды жүргізу;
- азаматтардың ақпараттану деңгейін арттыру;
- туристік нысандар қызметкерлерін оқыту.
Сапар қорытындысы бойынша жергілікті атқарушы органдар мен облыстық ТЖ департаментіне мынадай ұсыныстар берілді:
- демалыс орындарындағы қызметкерлермен жұмысты күшейту;
- анықталған кемшіліктерді жою;
- халық арасында түсіндіру жұмыстарын жандандыру;
- жергілікті қызметтер арасындағы тұрақты өзара әрекеттестікті қамтамасыз ету.
Сонымен қатар делегация ауылдық елді мекендерге барып, жергілікті құтқару және өрт сөндіру бөлімшелерінің қызметімен танысты. «Ауыл құтқарушылары» бағдарламасын іске асыру аясында шалғай өңірлерде әрекет ету дайындығын арттыру мәселелері қаралды.
«Қауіпсіздік мәселелеріне жауапкершілікпен қарау — бұл халық сенімінің негізі. Жазғы маусым барлық қызметтердің ерекше назарын және үйлесімді жұмысын талап етеді», — деп генерал-майор Кеген Тұрсынбаев атап өтті.
Өңірлерде қауіпсіздікті қамтамасыз ету жұмыстары жалғасатын болады. Жаз мезгілінде демалыс нысандарының дайындық жай-күйі, персоналды оқыту және қауіптің алдын алу шаралары ТЖМ-нің тұрақты бақылауында.
