Достық шағын ауданында кәріз жүйесінің құрылысы жүруде, деп хабарлайды қала әкімдігінің баспасөз қызметіне сілетеме жасаған no-comment.kz ақпараттық агенттігі.
Шымкент қаласының Қаратау ауданына қарасты Достық шағын ауданында тоғыз мыңға жуық тұрғын қоныстанған. Бір мектеп, үш балабақша, медицина және учаскелік полиция бекеті жергілікті халық игілігіне қызмет етеді. Бүгінде шағын ауданда кәріз жүйесінің құрылыс жұмыстары қызу жүруде.
Бұл туралы қала әкімінің Асар аумағындағы тұрғындармен кездесуі барысында аудан әкімі Р.Мүлкеманов айтты.
Шағын аудан ауыз су, жекеменшік жүйедегі электр жарығымен, табиғи газбен қамтылған. Кәріз жүйесі құрылысы жүруде, жыл соңында аяқтау жоспарланған. Ауданда басқа да абаттандыру, ауданды тазарту бойынша жұмыстар тұрақты түрде жұмыс жасауда. Жаңақұрылыс аумағындағы инфрақұрылым жүйесі жобасына енбеген 425 абонентті де қазір ауыз су, сапалы электр жүйесі, көгілдір отынмен қамтамасыз ету мақсатында абоненттеу жұмыстары жүргізілуде.
2023 жылы сапалы интернетпен қамтылмақ. Достық шағын ауданына интернет желісін жүргізетін компаниялар өз жұмыстарын жүргізуге дайын отыр.
Мұндағы 52 көшенің 22-сі асфальт жол, 26-сы тас жол, 4-уі топырақ жол. 2023 жылы – 14 көше, 2024 жылы – 8 көше, 2025 жылы – 13 көше асфальтталады.
Биыл Ақбосаға және атауы жоқ көшелер жарықтандырылады. 2023 жылы – Алғыс және мектеп көшелері; 2024 жылы – Айтұмар, Айдарлы; 2025 жылы – Мамыражай және Жайсаң көшелеріне жарықшамдар орнатылады.
Өткен жылы 2 ашық спорт алаңшасы пайдалануға берілді. Осы жылы 1 ашық спорт алаңшасын салу жоспарланған. Алдағы уақыттарда қаламыздың кәсіпкерлері тарапынанда Достық шағын ауданына арнайы спорт алаңшалары салу жоспарланған.
Аудан аумағында № 2, 45, 150 бағытындағы қоғамдық көліктер қатынайды.
