Ағымдағы жылдың 19 шілде күні Сауран ауданы әкімдігінің ішкі саясат бөлімінің «Жастар ресурстық орталығы» КММ-нің ұйымдастыруымен Оранғай ауылында дағдарысқа түскен жастар және жасөспірімдерге психологиялық көмек көрсету және алдын алу мақсатында жеке қабылдау ұйымдастырылды.
Қабылдаудың мақсаты жастар мен жасөспірімдердің арасында психологиялық көмек көрсету арқылы жастардың бойындағы өзінің мүмкіндігіне деген сенімділік қалыптастыру, қобалжу, стресс, қорқу сияқты психологиялық құбылыстарды болдырмауға дайындау және жастар арасында ұлттық сананы қалыптастыру.
Жеке қабылдау барысында тұлғалық ерекшеліктеріне сәйкес сенімсіздік, қорқақтық, жалқаулық, сенгіштік, күмәншілдік, адамдармен тіл табыса алмау, тұйықтық, әлсіздік, ерік- жігердің жетіспеуі және т.б. проблемалар бойынша психологиялық жұмыстар жүргізілді.
Қабылдауды Сауран ауданы әкімдігінің ішкі саясат бөлімінің «Жастар ресурстық орталығы» КММ-нің Оранғай ауылдық округінің инспекторы Нұрғазы Мирзакулов және психолог маман Рсалды Туйгынбекова өткізіп, жасөспірімдер арасында ауытқуға түскен жастарға көмек көрсету, жастардың салауатты өмір салтын ұстанып, өмірге деген құштарлығын арттыру керек екендігін тілге тиек етті.
