Бүгін еліміздің барлық аймағында жаңа оқу жылы бастау алып, алғашқы қоңырау соғылды. Хантағы ауылының әкімі Асхат Байбеков №5 Абай атындағы жалпы орта мектебіне болып, оқушыларды білім күнімен құттықтады. Ел тірегі және оның көркі-білімді,саналы ұрпақ. Балалар, бұл мерекелі күнді ерекше үмітпен,есейген көңіл күймен қарсы алды.
Биыл Хантағы ауылы №5 мектепке бірінші сыныпқа барған оқушылар саны өткен жылдан еселенген. 60 бала мектеп табалдырығын аттады.
Жаңа оқу жылына арналған салтанатты жиында оқушылар ән шырқап, білім ұяларына арналған өлең жолдарын тарту етті. Жоғарғы сынып оқушыларыммен бірге бірінші сынып жастары алғашқы қоңырауды соқты.
Айта кетейік, өткен жылы Хантағы ауылы бойынша 68 түлек мектеп бітіріп, 64 оқушы ҰБТ-ға қатысты. ҰБТ нәтижесінде жалпы орта балл 75,3 баллды құрап, 3 оқушы «Алтын белгі», 7 оқушы «Үздік аттестат» алды. Биылғы бітіруші түлектердің 38-і мемлекеттік грантқа ие болды.
ХАНТАҒЫ АУЫЛЫНЫҢ ӘКІМІ АСХАТ БАЙБЕКОВ ЖАҢА ОҚУ ЖЫЛЫМЕН ОҚУШЫЛАРДЫ ҚҰТТЫҚТАДЫ
