Мектептерде 2 мыңнан астам оқушы орны тапшы. Оқу жылының басында Волочаевская көшесінде 420 орындық жеке мектеп ашылды. Мұны аудан тұрғындарымен өткен кездесуде қала әкімі Ерболат Досаев мәлімдеді.
Қазіргі таңда аудандағы 1350 орындық 3 мектепті - №59, №195 және №198 мектептерді кеңейту жұмыстары жүргізілуде. Әрі жыл соңында Қайрат шағын аудандағы 1500 орындық мемлекеттік мектептің құрылысы аяқталады.
Қазан айында №59 мектептің аумағында 300 орындық орындық жаңа мектеп ғимараты мен қосымша құрылысты салу басталады. №195 және №198 мектептер бойынша 1050 орындық қосымша құрылыс салу үшін жобалық-сметалық құжаттаманы 2023 жылғы шілдеде аяқтау жоспарланған.
Мектепке дейінгі білім беруде орын тапшылығын азайту үшін 730 орындық 3 мемлекеттік балабақшаның құрылысы жоспарланды.
2023 жылға қарай Қайрат шағын ауданында 260 орындық балабақша құрылысын аяқталады. Құрылысты аяқтау жобасы түзетілгеннен кейін Жас Қанат шағын ауданында 280 орындық балабақша құрылысы қайта басталады. Сонымен бірге, жыл соңына дейін Огарев көшесінде 190 орындық балабақша салу үшін жобалау-сметалық құжаттама әзірленеді. 2023 жылдың наурыз айында №70 арнайы бөбекжай-балабақшасының ғимаратын сейсмикалық күшейту жұмыстары аяқталады.
Спорт объектілерінің жақын орналасуын қамтамасыз ету үшін биыл жыл соңына дейін Жас Қанат шағын ауданында бассейні бар дене шынықтыру-сауықтыру кешені салынып бітеді. Желтоқсан айында Майлин көшесі бойындағы дене шынықтыру-сауықтыру кешенінің және Огарев көшесіндегі даму және шығармашылық орталығының жобалау-сметалық құжаттамасын әзірлеу аяқталады.
Түрксіб ауданында 3 мемлекеттік балабақша салынады
