Базель әуежайында (Швейцария) бір апта бойы Беларусь Президенті Александр Лукашенко мен оның отбасы пайдаланатын Gulfstream G550 ұшағы тұр және оның себебін ешкім білмейді. Бұл туралы Швейцарияның Tages-Anzeiger мақаласында айтылған, деп хабарлайды Azattyq Rýhy тілшісі.
Басылымның хабарлауынша, Беларуссия туының түсімен боялған бизнес-джет 30 тамызда Базельге қонды, дегенмен «Швейцарияға тұрақты рейстер жоқ».
«Базель-Мюлуз-Фрайбург әуежайының баспасөз қызметі ұшақтың қонғанын растады. Содан бері ұшақ Базельде тұр. Оның ұшуы туралы ақпарат жоқ», - делінген басылымда.
Басылым жақында Лукашенконың ұлы Виктор және онымен байланысты олигархтар Gulfstream ұшағымен ұшқанын атап өтті. Соңғы рет Виктор Лукашенко Швейцарияда 2020 жылдың қаңтарында ресми сапармен болды.
«Сыртқы істер министрлігінде Лукашенконың отбасы мүшелерінің бірі Швейцарияда бар ма, жоқ па, жақында болды ма деген ақпарат жоқ. Берндегі Беларусь Елшілігімен байланысу мүмкін болмады»,- деп хабарлады БАҚ-пен байланыс министрлігінің қызметкері.
Айта кетерлігі, Gulfstream ұшағы 2019 жылдың көктемінде АҚШ-та шығарылды. Элиталық нұсқаның мәлімделген бағасы тек 8 отыратын орынмен және борттағы ойын-сауық жүйесімен 61 миллион долларды құрайды. Керосин шығындарын есептемегенде, жылдық пайдалану шығындары шамамен бір миллион долларға бағаланады.
https://azattyq-ruhy.kz/politics/12872-bak-lukashenko-ushagy-shveitsariiaga-ushyp-ketti
