2023 жылы 31 наурыз күні Шымкент қаласы білім басқармасы қосымша білім беру оқу салалық орталығының 2023 жылғы жұмыс жоспарына сәйкес, өзін-өзі басқару ұйымы «Мектеп парламенттері» арасында «Күлкі сыйла» тақырыбында Жайдарман жартылай финалы өтті. Іс-шараның мақсаты: оқушылардың шығармашылық қабілеттерін дамыту, талантты жастарды қолдау, достық қарым-қатынас орнату.
Сайыс өз дәрежесінде көңілді өтті. Топтан озып шығып, қызықты ойын көрсете білген №136 ЖОББМ «No comment», №24 ІТ мектеп-лицейінің «24-аймақ», № 90 ДБАМ мектеп-гимназиясының «Элита», "Al-Farabi academialyq mektebi "ЖШС «Al-FA», Ы.Алтынсарин атындағы №65 мектеп-гимназиясының «Чиновниктер», №129ЖОББМ «Сіздер үшін», №59 ЖОББМ «Шай ішейік», 80 ІТ мектеп-лицейінің «ІТ-шниктер» командалары финалға жолдама алды. Жеңімпаз командаларды құттықтаймыз!
Шымкент қаласы білім басқармасының Қосымша білім беру оқу салалық орталығы оқушылардың музыкалық-эстетикалық тәрбиесін жетілдіру, олардың орындаушылық шеберлігін арттыру, заманауи қоғамда музыкалық өнерді насихаттау мақсатында өнер мектептерінің білім алушылары арасында онлайн форматта өткен республикалық «Жас музыканттар» фестиваль-байқауына жолдама алған жас музыканттарымыз жүлделі орындарға ие болды.
Балалар Өнер мектебінің хор ұжымы ІІІ орынға ие болса, осы өнер мектебінің оқушысы Серікхан Жандар пианисттер арасынан ІІ жүлделі орынды қанжығасына байлады.
Бұл шаралардан бөлек Қазақстан Республикасы Оқу-ағарту Министрлігі Балалардың құқықтарын қорғау комитетінің қолдауымен "Ризашылық - мейірімділік бұлағы" жалпыұлттық мәдени-білім беру жобасы аясында "Қазақстан - менің алтын бесігім" республикалық фестивалі өткізілде. Фестиваль еліміздің 6-17 жас аралығындағы жетім балалар мен ата-анасының қамқорлығынсыз қалған балаларға арналған ұйымдардың тәрбиеленушілері арасында ұйымдастырылды. Фестивальдің қорытындысы бойынша ШҚ ББ N1 өмірлік қиын жағдайда жүрген балаларды қолдау орталығының тәрбиеленушілері
"Татулықтың тұтқасы - бірліктің бесігі" халық биі байқауы бойынша:
- "Балдәурен" би тобы - І орын.
"Жүрек жылуы" - Вокалистер байқауы бойынша:
- Речинская Владлена - ІІІ орын;
- Сүлеймен Ислам - "Үздік вокал" номинациясын иеленді.
Көптің ішінен топ жарып, жүлделі орынға ие болған шәкірттерімізге тілейтініміз "Жеңісті күндеріңіз көп болсын!!!"
ШЫМКЕНТ ҚАЛАСЫ МЕКТЕП ПАРЛАМЕНТТЕРІНІҢ АРАСЫНДА ЖАЙДАРМАН ЖАРТЫЛАЙ ФИНАЛ ОЙЫНЫ ӨТТІ
