Шымкентте 9-11 сынып оқушыларына арналған республикалық олимпиаданың үшінші кезеңі мәресіне жетті. Білім байқауынан қара үзіп, дара шыққан дарындар марапат алып, марқайды. Салтанатты шара барысында 208 оқушы бағалы сыйлықтармен қамтылып, 84 оқушы I орын алды. Ал, 124 шәкірт II орынның тұғырына көтерілді.
Ажар Серікбаева №26 Жамбыл атындағы мектеп гимназиясының 11 - сынып оқушысы. Жас дарын бұл байқауға тыңғылықты дайындықпен келіп, үздіктер сапынан көрінді. Қанжығасы майланды. Жүлделі ІІ орынға ие болды.
Ал, Ажарды үкілеп бәйгеге қосқан ұстазы Ғазиза апайдың қуанышында шек жоқ. Тәжірибелі ұстаздың айтуынша, жарыс жоғары деңгейде ұйымдастырылып, нағыз білімділер көш басынан көрінді дейді.
Бұл байқауға жалпы білім беру ұйымдарынан 500-ге жуық шәкірт қатысты. Соның 208-і жүлделілер сапында. Ал, ең үздік деп танылған 90 оқушы республикалық жарысқа жолдама алды.
Олимпиаданың басты мақсаты – оқушылар арасында шығармашылық қабілетті арттыру. Шәкірттердің танымдық іс-әрекетке қызығушылығын анықтау.
Ғылым-білімді насихаттап, дарынды жастарды қолдап жүрген «Дарын» орталығы мұндай шараларды жиі ұйымдастырады. Ал, бұл жолғы білім бәйгесінде 8 алтын, 4 күміс, 27 қола медаль мен 9 грамота өз иелерін тауып, кіл мықтылар салтанат құрды.
Бүгінде Абай ауданы бойынша мектептер саны – 29, жеке меншік 16 мектеп бар. Ал білім ордасына тапшылық -7 болса, мектеп жоқ 2 елді мекен бар. Аталған тапшылықты жою мақсатында 2023-2025 жылдары аралыңында «Жайлы мектеп Ұлттық жобасы» аясында 10 мектеп салу жоспарлануда. 2023-2024 жылдары 6 мектеп салу жоспарда.
Атап айтқанда.
1.Нұршуақ (Достық жағы) ш.а 2000 орындық мектеп.
2. Нұршуақ (Ынтымақ жағы) ш.а 2000 орындық мектеп.
3. Жаңатұрлан ш.а 1200 орындық мектеп.
4. Қатынкөпір шағын ауданында 1200 орындық мектеп.
5. Бозарық шағын ауданында 2000 орындық мектеп.
6. Достық ш.а 2000 орындық мектеп салу.
2024-2025 жылдары 4 мектеп:
7. Ақниет шағын ауданында 1200 орындық мектеп.
8. Асар-2 шағын ауданында 1500 орындық мектеп салу.
9. Шымкент Сити ш.а 2000 орындық мектеп.
10. Қайнарбұлақ ш/а Сырым батыр көшесі бойынан 2000 орындық мектеп.
ШАХАРЫМЫЗДЫҢ ЖАС ДАРЫНДАРЫНЫҢ ЖАРЫСЫ ӨТТІ
