ШЫМКЕНТ ҚАЛАСЫ МЕКТЕП ПАРЛАМЕНТТЕРІНІҢ АРАСЫНДА ЖАЙДАРМАН ФИНАЛ ОЙЫНЫ ӨТТІ

2023 жылы 24 сәуір күні Шымкент қаласы білім басқармасы қосымша білім беру оқу салалық орталығының ұйымдастыруымен Жастар ресурстық орталығының базасында «Мектеп парламенті» өзін-өзі басқару ұйымдарының арасында «Бірлігіміз жарасқан!» атты Жайдарман финал ойыны өтті. Іс-шараның мақсаты: Талантты оқушыларды қолдау, шығармашылық қабілеттерін дамыту, өзара достық қарым-қатынастарын нығайту.
Финалға ақпан айынан бастап, Жайдарман ойындарының аудандық, жартылай финал кезеңдерінен өткен 8 команда қатысты. Көрермен ретінде білім беру ұйымдарының «Мектеп парламенті», «Адал ұрпақ», «Жас Ұлан» ұйымдарының көшбасшылары шақырылды.
Сайыс өте қызықты, жоғары деңгейде өтті. Топтан оза шығып, ерекше ойын көрсете білген №136 ЖОББМ «No comment» командасы І орынды, №24 ІТ мектеп-лицейінің «24-Аймақ» командасы ІІ орынды, Ы.Алтынсарин атындағы №65 мектеп-гимназиясының «Ыбырай балалары» командасы ІІІ орынды иеленді. №24 ІТ мектеп-лицейінің парламент президенті Байданов Батырханға «Үздік ойыншы» номинациясы бұйырды. Жүлделі ІІ,ІІІ орын иеленген №24 ІТ мектеп-лицейінің «24-Аймақ» командасына және Ы.Алтынсарин атындағы №65 мектеп-гимназиясының «Ыбырай балалары» командасына «Jaidarman Junior» республикалық жасөспірімдер ойынына жолдама берілді. №59 жалпы орта білім беретін мектептің «Шәй ішейік» командасына және №136 ЖОББМ «No comment» командасына «Jake Tau» туристік агенттігі тегін саяхатқа сертификат сыйлады. Жеңімпаз командалар арнайы кубоктармен дипломдармен, жетекшілері алғыс хаттармен марапатталды.
2023 жылы 31 наурыз күні Шымкент қаласы білім басқармасы қосымша білім беру оқу салалық орталығының 2023 жылғы жұмыс жоспарына сәйкес, өзін-өзі басқару ұйымы «Мектеп парламенттері» арасында «Күлкі сыйла» тақырыбында Жайдарман жартылай финалы өтті. Іс-шараның мақсаты: оқушылардың шығармашылық қабілеттерін дамыту, талантты жастарды қолдау, достық қарым-қатынас орнату.
Сайыс өз дәрежесінде көңілді өтті. Топтан озып шығып, қызықты ойын көрсете білген №136 ЖОББМ «No comment», №24 ІТ мектеп-лицейінің «24-аймақ», № 90 ДБАМ мектеп-гимназиясының «Элита», "Al-Farabi academialyq mektebi "ЖШС «Al-FA», Ы.Алтынсарин атындағы №65 мектеп-гимназиясының «Чиновниктер», №129ЖОББМ «Сіздер үшін», №59 ЖОББМ «Шай ішейік», 80 ІТ мектеп-лицейінің «ІТ-шниктер» командалары финалға жолдама алған болатын.