Шымкент қалалық «Сана Сезім» орталығы қызметкерлерінің ұйымдастыруымен «Жеңіл өнеркәсіп және сервис колледжінде» семинар-тренинг өткізді. Оған Шымкент қаласы Полиция департаментінің Жергілікті полиция қызметі мен Тұран ауданы Полиция басқармасының әйелдерді зорлық-зомбылықтан қорғау тобының инспекторы және колледж студенттері қатысты.
Іс-шара барысында тыңдаушыларға отбасылық-тұрмыстық қатынастардағы олардың заңды құқықтары бойынша түсіндірілді.
Полиция қызметкері студенттерге мұндай жағдайларда олар әрдайым колледж психологына, сондай-ақ кәмелетке толмағандар ісі жөніндегі инспекторға жүгіне алатындығын еске салды.
Әйелдер мен қыздарға қатысты зорлық-зомбылық – қазіргі таңдағы ең жойқын адам құқығы бұзылуының бірі. Зорлыққа жол бермеуіміз керек. Бұл денсаулық пен өмірге қауіпті мәселе гендерлік теңсіздік, билікті теріс мақсатта пайдалану және жағымсыз нормалардан бастау алады. Зорлық-зомбылық әйелдердің қоғамдық өмірге араласуына кедергі келтіреді. Гендерлік зорлық-зомбылық отбасылар мен қоғамдастық арасындағы байланысты әлсіретіп, елдердің әлеуметтік тұрақтылық пен экономикалық дамуға қол жеткізуіне жол бермейді.
Біз БҰҰ Бас хатшысының «2030 жылға қарай әйелдерге қатысты зорлық-зомбылықты бірлесіп тоқтатамыз» науқанына қосыламыз. Біз гендерлік зорлық-зомбылықты Қазақстанмен екіжақты ынтымақтастық, Орталық Азия елдерімен аймақтық ынтымақтастық және халықаралық ұйымдармен бірлесіп, көпжақты қолдау арқылы тоқтатуға тырысамыз.
Іс-шарада сөз сөйлеген Әйелдерді зорлық-зомбылықтан қорғау тобының инспекторы полиция майоры Раушан Қабланбекқызы: «Қазіргі уақытта отбасындағы зорлық-зомбылық мәселесі ең өзекті мәселелердің бірі болып табылады. Бұл жағдай баланың дамуына және оның өмір бойы басқа адамдармен қарым-қатынасына кері әсер етуі мүмкін» екендігін айтып толығырақ түсіндіріп өтті.
ШЫМКЕНТТІК ТӘРТІП САҚШЫЛАР СТУДЕНТТЕРГЕ САБАҚ ӨТКІЗДІ
