Жастар ресурстық орталығының психолог мамандарының ұйымдастыруымен Шымкент көпсалалы колледж жастары арасында мазасыздық деңгейін диагностикалау бағытында арт-терапиялық семинар-тренинг ұйымдастырылды.
Мақсаты - жастар мен жасөспірімдер арасында күйзеліс, жағымсыз әрекеттердің әдетке айналуымен мінез-құлықтың алдын-алу және жағымды психологиялық ахуал қалыптастыру.
Қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу. Құқық бұзушылықты болдырмау мақсатында оқу жылының басталғаннан мектептерде іс-шаралар атқарылады. Оқу жылының басында құқық бұзушылықтың алдын-алу мақсатында жүргізілетін іс-шаралар жоспары жасалып, бекітіледі.
Өкінішке орай кейбір жасөспірімдер қылмыс пен құқық бұзушылықтың арты неге əкеліп соғатынына аса мəн бере қоймайды. Құқықтық мемлекетке қадам басқан шақта қоғамға саналы адам қалыптастыру -мемлекетіміздің басты міндеттерінің бірі болса, ол міндетті іске асыруға басты мақсат жасөспірімдерді жаңа рухта, жаңа көзқараста тəрбиелеуден айқын көрінеді. Жасөспірімдердің арасында құқық бұзушылықтың алдын алу мақсатында құқықтық сауаттылық пен құқықтық мәдениетті арттыру өте маңызды. Құқықтық сауаттылықты арттыру құқықтық тәрбиемен келеді. Кәмелетке толмағандардың қылмысын ерте алдын алудың негізгі құралы құқықтық сананы дұрыс тәрбиелеу және қолайсыз отбасын декриминализациялау, бұған құқықтық нормаларды жетілдіру және балаларды тәрбиелеудегі азаматтардың жауапкершілігін арттыру шаралары енеді.
Семинар-тренинг барысында тақырып аясында түсіндірме жұмыстары жүргізіліп, топтық құраммен «Армандағы ағаш» тәсілі ойыны ұйымдастырылды.
МАЗАСЫЗДЫҚ ДЕҢГЕЙІН ДИАГНОСТИКАЛАУ БАҒЫТЫНДА СЕМИНАР-ТРЕНИНГ ҰЙЫМДАСТЫРЫЛДЫ
