Абай ауданы жастар ресурстық орталығының ұйымдастыруымен NGO ASSA жастар қоғамдық бірлестігінің президенті Саранова Данараның қолдауымен «ITeachMe меңгергіңіз келе ме?» тақырыбында Энергетика және байланыс колледж жастарының қатысуымен семинар-тренинг өтті.
Бұндай семинар-тренингтердің мақсаты – IT саласының қозғалыс дизайн, мобилография, графикалық дизайн және SMM бағытын оқып үйретуге баулу.
Энергетика және байланыс колледжінің ғимаратында өткен семинарда алдымен IT саласы жөнінде ақпараттар айтылып, оның қазіргі қоғамда алатын айрықша рөлі жөнінде сөз етілді. Сонымен қатар, семинар-тренинг соңында тақырып аясында топтық сайыс ұйымдастырылды.
Бүгінгі таңда елімізде IT мамандарына сұраныс артып отыр. Өйткені көптеген компания сауатты әрі мамандығын жақсы білетін бағдарламашылар мен әзірлеушілерге мұқтаж. HeadHunter онлайн жұмыс іздеу және жалдау платформасының мәліметі бойынша, IT саласындағы бос жұмыс орындарының саны 2021 жылы 2020 жылмен салыстырғанда 50%-ға, ал биыл (жарты жыл) өткен жылмен салыстырғанда 57%-ға өскен.
Ақпарат технологиясы — объектінің, процестің немесе құбылыстың күйі туралы жаңа ақпарат алу үшін мәліметтерді жинау, өңдеу, жеткізу тәсілдері мен құралдарының жиынтығын пайдаланатын процесс.Ақпарат технологиясы дегеніміз компьютерді және телекоммуникациялық жабдықтарды деректерді сақтау, шығару, тасымалдау және өзгертуге арналған технология.[1]Ақпарат технологиясы — ақпаратты өңдеу үшін пайдаланылатын технологиялық элементтердің, құрылғылардың немесе әдістердің жиынтығы. Ақпараттық технология (немесе көпшілікке ITатымен танымал ұғым) — қазіргі компьютерлік технология негізінде ақпаратты жинау, сақтау, өндеу және тасымалдау істерін қамтамасыз ететін математикалық және кибернетикалық тәсілдер мен қазіргі техникалық құралдар жиыны.
«ITEACHME МЕҢГЕРГІҢІЗ КЕЛЕ МЕ?» ТАҚЫРЫБЫНДА СЕМИНАР-ТРЕНИНГ ӨТТІ
