Бүгінде қала аумағында бірқатар өрт сөндіру депосының құрылысы жүргізілуде. Соның бірі - Әкімшілік іскерлік орталығынан бой көтеруде. Қала әкімі М. Әйтенов 4 автокөлікке арналған өрт сөндіру депосының құрылысымен танысып, сапасын қадағалады. Жоспарға сәйкес, орталық әкімшілік және депо ғимараттарынан тұрады. Нысанның құрылысы биыл тамыз айында аяқталып, пайдалануға тапсырылады. Қазір монтаждау және ішкі, сыртқы әрлеу жұмыстары мен абаттандыру құрылысы 80 пайызға аяқталған. Құрылыс алаңына 80 жұмысшы, 8 техника жұмылдырылған.
Аралау барысында қала әкімі жауаптыларға ғимараттың тиісті талаптарға сай жабдықталуын бақылауды, құрылысты мерзімінде аяқтауды тапсырды.
Айта кетейік, Тұран шағын ауданында 4 автокөлікке арналған өрт сөндіру депосы кешенінің және Қайнар-бұлақ саяжайында жедел-құтқару жасағының құрылыс жұмыстары 2024-2025 жылдарға жоспарланып отыр. Ал 2025 жылы Солтүстік-Саяжай тұрғын алабында 4 автокөлікке арналған өрт сөндіру депосы кешені салынатын болады.
Сондай-ақ Мұрат Дүйсенбекұлы әкімшілік-іскерлік орталығындағы өрт депосы мен қосымша ғимараттың құрылыс жұмыстарымен де танысты. Бұл бекеттер өрт сөндірушілердің жұмысын жеделдетуге мүмкіндік береді. Нысандарды аралау барысында қала әкімі жауаптыларға ғимараттардың барлық талаптарға сай бой көтеруін бақылауды, құрылысты уақытында аяқтауды тапсырды.
Шымкент қаласының қалалық орта сапасы және бақылау басқармасы қызметкерлері мен төтеншеліктер Тұран, Қазығұрт шағынаудандарында газ тұтыну қауіпсіздігі талаптарын сақтау бойынша түсіндіру жұмыстарын жүргізіп тұрады.
Сондай-ақ бұл шараға санитарлық-эпидемиологиялық бақылау басқармасы қызметкерлері мен Жастар ресурстық орталығының еріктілері қатысып, тұрмыстық газды пайдалану барысында аттестатталған, мамандандырылған мекемелермен шарт жасау туралы жадынамалар таратты.
Шымкентте қалалық ТЖБ мен ӨСБ-2 жеке құрам қызметкерлері тұрғындарға газбен уланудың алдын алу және су тасу қауіпі бар аймақтарда қауіпсіздік шараларын сақтау бойынша үгіт-насихат жұмыстарын жүргізуде.
ӘКІМШІЛІК ІСКЕРЛІК ОРТАЛЫҒЫНДАҒЫ ӨРТ СӨНДІРУ ДЕПОСЫ ТАМЫЗДА АЯҚТАЛАДЫ
