САЙРАМ: АУДАН ӘКІМІ ҚҰТАРЫС ХАЛҚЫМЕН КЕЗДЕСТІ

Бүгін аудан әкімі Арман Сәбитов тиісті бөлім басшыларымен Құтарыс ауылдық округ тұрғындарымен кездесті. Аталған басқосу lV тоқсандағы кезекті кездесуі аясында іске асты.
Сапар барысында аудан әкімі Қызылжар елді-мекен тұрғындарының мұң-мұқтажын тыңдады. Ауыл тұрғындарының айтуынша, ауыз су мұнарасына қосымша бір су сорғыш станциясын орнату қажеттігін жеткізді. Қазір аталған елді-мекенде 2 дана су ұңғымасы бар. Оның ішінде 1 дана су сорғышы жұмыс істеуде, ал екінші су сорғыш істен шыққан. Осыған байланысты су беруші мекеме «Сайрам тазалық» ЖШС тарапынан жөндеу жұмыстары жүргізілуде. Бұл ретте сала мамандары алдағы уақытта ауыз су мәселесі шешімін табатындығын алға тартты.
Мұнан соң, Құтарыс ауылдық округінде орналасқан 11 көшенің «Оңтүстік Жарық Транзит» ЖШС теңгеріміндегі 440 электр бағаналарының тозығы жеткендігі айтылды. Аталған проблемадан хабардар аудан әкімі Арман Сәбитұлы электр бағаналары «Инвест» жобасы арқылы ауыстырылатынын мәлімдеді.
Аудан әкімімен кездесуге келген құтарыстықтар барлық базынасын айтып, ауылдағы Құтарыс, Ақарыс елді мекендеріндегі 11 көше құрылыс жұмыстары жобасына енбей қалған 90 тұрғын үйге газ құбырларын тарту мәселесін көтерді. Жалпы қазіргі таңда Ақарыс және Оймауыт елді мекендерін «Ақбарыс» ЖШС, Қызылжар және Құтарыс елді мекендерін «Алтын констракшн» ЖШС тарапынан газ құбырының құрылыс жұмыстарын жүргізуде. Жоспарға сәйкес биыл құрылыс жұмыстары бітуі тиіс. Ал жобаға енбей қалған тұрғын үйлерге Арман Сәбитов қосымша сметалық құжаттамасы әзірленетіндігін хабарлады.
Тұрғындармен кездесуде Арман Сәбитұлы аудан тұрғындарын жеке қабылдап қана қоймай, ауылдық жерлерге бару маңызды екенін атап өтті.
Айта кететін, «Халық үніне құлақ асатын мемлекет» тұжырымдамасы халық пен биліктін арасын жақындата отырып, халықтың мұң мұқтажын тиісті дәрежеде орындау.
Президент Қасым-Жомарт Тоқаев: «Билік пен қоғам арасындағы диалог нығая түсті. «Халық үніне құлақ асатын мемлекет» тұжырымдамасына баса мән беріліп отыр. Бұл ауқымды жұмысты бүкіл қоғамымыз бірлесе атқарды. Дегенмен, осымен тоқтап қалуға болмайды. Бәріміз осы сара жолмен ілгері жүруіміз керек.
Тағы бір аса маңызды реформа – Президенттің бір ғана мерзімге сайлануы. Біздің аймақтағы қай мемлекетті алып қарасаңыз да, мұндай өзгеріс мүлдем болмаған. Сондықтан бұл реформа демократия жолындағы батыл қадам деп сенемін. Тәуекелге бел бусақ та, осындай шешім халқымыздың жарқын болашағы үшін керек деп кәміл сенемін» деп айтып өткен болатын.
Айта кететін, Қазақстан Президенті Қасым-Жомарт Тоқаев «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында мем­лекеттік институттардың рөлін ны­ғайту, азаматтардың құқықтары мен бо­стандықтарын қорғау, халықтың тұрмыс сапасын жақсарту мәселелерін кеңі­нен сөз етті. Жолдауда қазіргі әлеу­меттік-экономикалық жағдайға жан-жақты, терең талдау жасап қана қоймай, оның шешу жолдарын да көрсетіп берді.
Ұлттық құрылыстың қазіргі кезеңінде Қазақстан Республикасы қарқынды саяси өзгерістер кезеңін бастан кешіп жатыр. Саяси модернизацияның тұжырымдамалық фрейміне «Халық үніне құлақ асатын мемлекет» моделі арқау болды. «Listening State» («Құлақ асатын/еститін мемлекет») — бұл үкіметтің азаматтармен өзара әрекеттесу, оларды толғандыратын мәселелер мен қажеттіліктерін түсіну бойынша белсенді күш-жігеріне баса назар аударатын мемлекеттік саясат тұжырымдамасы. Бұл тұжырымдама үкімет пен қоғам арасындағы ашық әрі айқын байланыс арналарын құруды көздеп, шешімдерді әзірлеу және қабылдау процесінде азаматтардың дауысын естуге және ескеруге бағытталған.
«Халық үніне құлақ асатын мемлекет» тәсілі ақпаратты жай ғана тарату немесе «жоғарыдан төменге» саясатын жүзеге асыруға қарағанда, тиімді басқару бұдан да көп нәрсені қажет ететінін көрсетеді. Яғни кері байланыс, идеялар мен қоғамдық пікірді белсенді іздеудің маңызын мойындайды. Бұған қол жеткізуге жәрдемдесетін түрлі құралдар бар: қоғаммен кеңесу, сауалнамалар, жалпы жиналыстар, онлайн форумдар және басқа да қатысу тетіктері.
«Халық үніне құлақ асатын мемлекетте» Үкімет азаматтарға ойларымен, идеяларымен және пікірлерімен алмасу үшін қолжетімді және ыңғайлы платформалар ұсынады. Бұл сандық платформалар және қоғамдық жиналыстар сияқты құралдар арқылы немесе т.б. жүзеге асырылуы мүмкін.
Мемлекеттік органдар мен азаматтар арасындағы өзара іс-қимылдың жаңа форматтарын қолдануды жеке үрдіс деп атауға болады. Мемлекеттік органдар жедел хабар алмасу құралдарын пайдаланады, чат боттарын жасайды. Жергілікті атқарушы органдар өтініштерді қарау мен азаматтарды қабылдауды бір жерде жүргізген жағдайда қызмет көрсету «кедергісіз орта» қағидаттары бойынша «ашық қабылдау» арқылы жұмыс істейді.