АРЫС: ГҮЛЖАН ҚҰРМАНБЕКОВА: АРЫСТА ҚОҒАМДЫҚ КӨЛІКТЕР ЖАҢАРТЫЛАДЫ

Бүгін қала әкімі Гүлжан Құрманбекованың Арыс қаласының тұрғындарымен кезекті кездесуі өтті. Бұл шаһар басшының тұрғындармен жыл басынан бері өткізген үшінші кездесуі. Еркін форматта өткен жиынға қалалық мәслихат төрағасы Қайрат Ахметов, Түркістан облысының мәслихат депутаты Ержан Қосмамбетовте қатысты.
Алдымен, қала әкімі осы кезге дейін іске асырылған жобалар мен қолға алынатын жоспарларды баяндады.
Биыл, Сырдария (Задарья) елді мекенінде 11 көше, Монтайтас ауылына қарасты Атамекен елді мекенінің барлық 12 көшесіне асфальт салынуда. Бұдан бөлек, қала аумағында орналасқан 33 көшеге немесе 10 шақырымға асфальт салу жұмыстары жүргізілуде.
Бүгінгі таңда, тұрғындар ұсынысына сәйкес, қала әкімінің ықпалымен қала ішінде 3 бағытта және барлық елді мекендерге 4 бағытта қоғамдық көліктер жүріп жатыр.
«Тұрғындарға қолайлы жағдай жасау мақсатында, алдағы жылы жеке инвестор есебінен 14 автобус жаңартылатын болады. Заманауи үлгідегі қоғамдық көліктер жазда салқындатқышымен, қыста жылу пешімен толықтай жабдықталған», - деді Гүлжан Мамытқызы.
Тамыз айында қаладағы Отырар тұрғын ауданы көгілдір газға қосылды. Жыл соңына дейін Сырдария, Хлапком, Наурыз, ШПЗ тұрғын аудандары табиғи газ жүйесіне қосу жұмыстары жүргізілуде.
Сондай-ақ, орталық қазандықтың тозығы жетуіне байланысты жөндеу жұмыстарын жүргізуге облыстық бюджеттен тиісті қаржы қаралып, жөндеу жұмыстары басталған. Сонымен бірге, орталық қазандықты газ жүйесіне қосу мақсатында қосымша модульді қазандықтың құрылысы жүргізілуде.
Жиынға қатысқан тұрғындар тарапынан да бірқатар өзекті мәселелер айтылып, оларға нақты жауаптар берілді.
Айта кетейік, қала әкімінің халықпен кездесуінен кейін азаматтардың жеке өтініші бойынша қабылдау шарасы өтті. Онда әлеуметтік көмек, денсаулық сақтау, кәсіп ашу, құқықтық кеңес беру жайындағы сұрақ, сауалдарға қала әкімі мен тиісті сала мамандары жауап беріп, талапқа сай түсіндіру жұмыстары жүргізілді.
Айта кететін, «Халық үніне құлақ асатын мемлекет» тұжырымдамасы халық пен биліктін арасын жақындата отырып, халықтың мұң мұқтажын тиісті дәрежеде орындау.
Президент Қасым-Жомарт Тоқаев: «Билік пен қоғам арасындағы диалог нығая түсті. «Халық үніне құлақ асатын мемлекет» тұжырымдамасына баса мән беріліп отыр. Бұл ауқымды жұмысты бүкіл қоғамымыз бірлесе атқарды. Дегенмен, осымен тоқтап қалуға болмайды. Бәріміз осы сара жолмен ілгері жүруіміз керек.
Тағы бір аса маңызды реформа – Президенттің бір ғана мерзімге сайлануы. Біздің аймақтағы қай мемлекетті алып қарасаңыз да, мұндай өзгеріс мүлдем болмаған. Сондықтан бұл реформа демократия жолындағы батыл қадам деп сенемін. Тәуекелге бел бусақ та, осындай шешім халқымыздың жарқын болашағы үшін керек деп кәміл сенемін» деп айтып өткен болатын.
Айта кететін, Қазақстан Президенті Қасым-Жомарт Тоқаев «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында мем­лекеттік институттардың рөлін ны­ғайту, азаматтардың құқықтары мен бо­стандықтарын қорғау, халықтың тұрмыс сапасын жақсарту мәселелерін кеңі­нен сөз етті. Жолдауда қазіргі әлеу­меттік-экономикалық жағдайға жан-жақты, терең талдау жасап қана қоймай, оның шешу жолдарын да көрсетіп берді.
Ұлттық құрылыстың қазіргі кезеңінде Қазақстан Республикасы қарқынды саяси өзгерістер кезеңін бастан кешіп жатыр. Саяси модернизацияның тұжырымдамалық фрейміне «Халық үніне құлақ асатын мемлекет» моделі арқау болды. «Listening State» («Құлақ асатын/еститін мемлекет») — бұл үкіметтің азаматтармен өзара әрекеттесу, оларды толғандыратын мәселелер мен қажеттіліктерін түсіну бойынша белсенді күш-жігеріне баса назар аударатын мемлекеттік саясат тұжырымдамасы. Бұл тұжырымдама үкімет пен қоғам арасындағы ашық әрі айқын байланыс арналарын құруды көздеп, шешімдерді әзірлеу және қабылдау процесінде азаматтардың дауысын естуге және ескеруге бағытталған.
«Халық үніне құлақ асатын мемлекет» тәсілі ақпаратты жай ғана тарату немесе «жоғарыдан төменге» саясатын жүзеге асыруға қарағанда, тиімді басқару бұдан да көп нәрсені қажет ететінін көрсетеді. Яғни кері байланыс, идеялар мен қоғамдық пікірді белсенді іздеудің маңызын мойындайды. Бұған қол жеткізуге жәрдемдесетін түрлі құралдар бар: қоғаммен кеңесу, сауалнамалар, жалпы жиналыстар, онлайн форумдар және басқа да қатысу тетіктері.
«Халық үніне құлақ асатын мемлекетте» Үкімет азаматтарға ойларымен, идеяларымен және пікірлерімен алмасу үшін қолжетімді және ыңғайлы платформалар ұсынады. Бұл сандық платформалар және қоғамдық жиналыстар сияқты құралдар арқылы немесе т.б. жүзеге асырылуы мүмкін.
Мемлекеттік органдар мен азаматтар арасындағы өзара іс-қимылдың жаңа форматтарын қолдануды жеке үрдіс деп атауға болады. Мемлекеттік органдар жедел хабар алмасу құралдарын пайдаланады, чат боттарын жасайды. Жергілікті атқарушы органдар өтініштерді қарау мен азаматтарды қабылдауды бір жерде жүргізген жағдайда қызмет көрсету «кедергісіз орта» қағидаттары бойынша «ашық қабылдау» арқылы жұмыс істейді.