Бүгін аудан әкімі А. Сәбитов Қасымбек Датқа ауылының тұрғындарымен кездесіп, мәселелерін тыңдады. Жиынға Қайнарбұлақ ауылдық округінің әкімі Е. Дүйсебаев, аудандық ТҮКШ, жолаушылар көлігі, және автомобиль жолдары бөлімінің басшысы Б. Бейсембаев қатысты.
Кездесуде ауыл тұрғындары Қасымбек Датқа ауылы 120 га Жаңақұрылыс аумағына ауыз су жүйесін жүргізу, көшелерге тас төсеу жұмыстары туралы мәселелер қозғады. Бұл мәселе бойынша аудан әкімі А. Сәбитов аталған аумаққа су жүйесін жүргізу үшін жергілікті бюджет есебінен 132,2 млн. теңге қаржы қарастырылып, мердігер мекеме «Бемир-Құрылыс»ЖШС тарапынан құрылыс жұмыстары және су ұңғысын, су мұнарасын орнату үшін «Шымкент Грант Строй» ЖШС тарапынан құрылыс жұмыстары жүріп жатқанын жеткізді.
Қасымбек Датқа ауылында 15А, 15Б, 15В көпқабатты үйлердің қасбеттері мен қазандықтарын жөндеу туралы мәселе сөз болды. Аудан басшысы көпқабатты үйлердің қасбету мен жылыту қазандығын жөндеу үшін жергілікті бюджет есебінен 15,8 млн. теңге қаралып, мемлекеттік сатып алу конкурсы өтіп жатқанын айтты.
Бұдан соң әкімі А. Сәбитов Қайнарбұлақ ауылдық округіне қарасты Шіркін ауылының тұрғындарының базынасын тыңдады. Мұнда су ұңғымасын қазу, тозығы жеткен электр бағаналарын ауыстыру туралы айтылды.
Аудан әкімі Шіркін ауылындағы тозығы жеткен электр бағаналарды ауыстыру жұмыстары Оңтүстік Жарық Транзит ЖШС тарапынан Инвест жобаға сәйкес жүргізіліп жатқанын баяндады.
Аудан әкімінің кезекті кездесуі Құрылық ауылында жалғасты. Ауыл тұрғындары Ауылдан қосымша су ұңғымасын қазу, "Батыс Еуропа-Батыс Қытай" жолынан Құрылық ауылына кіретін көшеге жөндеу жұмыстарын жүргізу туралы өтініш жасады.
Бұған аудан басшысы «Құрылық ауылында қосымша су ұңғымасын қазу үшін жергілікті бюджеттен 19,6 млн. теңге қаралғанын, су ұңғысын қазу мердігер мекеме Энерготеполопроект»,- ЖШС-не жүктелгенін тілге тиек етті.
Айта кетеін, Қазақстан Республикасы Президентінің 2019 жылғы 2 қыркүйектегі Қазақстан халқына Жолдауында Мемлекет басшысы «Азаматтардың барлық сындарлы сауалдарына жедел әрі тиімді жауап беретін «Халық үніне құлақ асатын мемлекет» тұжырымдамасын іске асыру» міндетін қойды. Содан бері билік пен қоғам арасындағы байланыс механизмдері жетілдірілді.
Иә, билік бұқараға барынша жақын болуы керек. Бұл бағытта аудан әкімі ауданның 55 елді мекенін аралап, халықтың ұсыныс-пікірін тыңдап, олардың талап-өтініштеріне құлақ асып, өз құзыреті шегінде шешу жолдарын қарастыруда.
Елімізде «Халық үніне құлақ асатын мемлекет» тұжырымдамасын іске асыру мақсатында түрлі мемлекеттік бағдарламалар іске асырылуда. Халықтың әлеуметтік жағдайын арттыруға бағытталған мұндай бағдарламаларды біреу білсе, біреу білмей жатады. Сол себепті мұндай бағдарламалардың жұрт игілігін көруі үшін осы жобаларды насихаттап, түсіндіру де маңызды болып отыр.
«Еститін мемлекет» бірінші кезекте халықтың үніне құлақ салып, олардың мұң-мұқтажын ескеруі тиіс.
Мұны президент Қасым-Жомарт Тоқаев өз жолдауында атап өткен болатын. «Халық үніне құлақ асатын мемлекет» тұжырымдамасында халық пен билік арасында диалог болуы шарт деген бағытты барлық мемлекеттік қызметшілер ұстануы шарт.
Ұлттық құрылыстың қазіргі кезеңінде Қазақстан Республикасы қарқынды саяси өзгерістер кезеңін бастан кешіп жатыр. Саяси модернизацияның тұжырымдамалық фрейміне «Халық үніне құлақ асатын мемлекет» моделі арқау болды. «Халық үніне құлақ асатын мемлекет» — бұл үкіметтің азаматтармен өзара әрекеттесу, оларды толғандыратын мәселелер мен қажеттіліктерін түсіну бойынша белсенді күш-жігеріне баса назар аударатын мемлекеттік саясат тұжырымдамасы. Бұл тұжырымдама үкімет пен қоғам арасындағы ашық әрі айқын байланыс арналарын құруды көздеп, шешімдерді әзірлеу және қабылдау процесінде азаматтардың дауысын естуге және ескеруге бағытталған.
«Халық үніне құлақ асатын мемлекет» тәсілі ақпаратты жай ғана тарату немесе «жоғарыдан төменге» саясатын жүзеге асыруға қарағанда, тиімді басқару бұдан да көп нәрсені қажет ететінін көрсетеді. Яғни кері байланыс, идеялар мен қоғамдық пікірді белсенді іздеудің маңызын мойындайды. Бұған қол жеткізуге жәрдемдесетін түрлі құралдар бар: қоғаммен кеңесу, сауалнамалар, жалпы жиналыстар, онлайн форумдар және басқа да қатысу тетіктері.
«Халық үніне құлақ асатын мемлекетте» Үкімет азаматтарға ойларымен, идеяларымен және пікірлерімен алмасу үшін қолжетімді және ыңғайлы платформалар ұсынады. Бұл сандық платформалар және қоғамдық жиналыстар сияқты құралдар арқылы немесе т.б. жүзеге асырылуы мүмкін.
Мемлекет азаматтардың наразылығын күтпей, олармен араласу мүмкіндіктерін белсенді түрде іздейді. Бұл әртүрлі дауыстарды тыңдау мүмкіндігін қамтамасыз ету үшін белгілі бір қауымдастықтарға немесе қызығушылық топтарына жүгінуді қамтуы мүмкін.
Мемлекет азаматтардың саясаттың қалай тұжырымдалатынын және жүзеге асырылатынын түсінуін қамтамасыз ете отырып, шешім қабылдау үдерісінің ашықтығын көрсетеді. Мұндай ашықтық мемлекет пен қоғам арасындағы сенімді нығайтуға көмектеседі.
Азаматтарға олардың үлестері саяси шешімдерге қалай әсер еткені туралы кері байланыс тетіктерін құру өте маңызды. Бұл олардың дауыстары бағаланатынын және байыпты қабылданатынын көрсетуге көмектеседі.
«Халық үніне құлақ асатын мемлекет» тәсілі қоғамда әртүрлі көзқарастар болатынын мойындайды. Әлеуметтік-экономикалық мәртебесіне, этникалық тегіне, жынысына немесе басқа факторларға қарамастан барлық дауыстардың ескерілуін қамтамасыз ету үшін қадамдар жасайды.
САЙРАМ: ҚАЙНАРБҰЛАҚТЫҚТАРДЫҢ МӘСЕЛЕСІ БАСТЫ НАЗАРДА
