Қазақстан жасөспірімдер құрамасы екінші жыл қатарынан әлем чемпионатына жолдама алды

Шымкент қаласындағы Beeline Arena ұлттық теннис орталығында 16 жасқа дейінгілер арасында өтіп жатқан Дэвис кубогы Азия – Тынық мұхит аймағы бойынша іріктеу турнирінде Қазақстан жасөспірімдер құрамасы финалдық бәсекеде жеңіліс тапты, деп хабарлайды no-comment.kz ақпарат агенттігі.
Ширек финалда Сергей Квактың шәкірттері әлемдегі үздік құрамалардың бірі, жасөспірімдер арасында Дэвис кубогының алты дүркін чемпионы Аустралия құрамасын 2:0 есебімен тізе бүктірді. Сондай-ақ, жартылай финалда Гонконг елінің теннисшілерімен кездесіп, 2:0 есебімен ойсырата ұтты.
Бүгін, Жапония құрама командасымен ақтық сында жолықты. Ауа-райының қолайсыздығына байланысты жарыс алдымен хард кортында өтіп, жұптық бәсеке грунт кортында жалғасын тапты. Драмаға толы ойынның жекелей кездесуі жалпы есепті қортындыла алмай, 1:1 есебімен тең тарқасты. Ал, тартысты өткен жұптық сында жерлестеріміз жеңісті қолдан беріп, 2:1 есебімен жеңіліс тапты. Осылайша Жапония елінің жас теннисшілері қатарынан екі дүркін әлем чемпионатының іріктеу кезеңінде үздік көрінді.
Осылайша, Қазақстан жасөспірімдер құрамасы алдағы күзде 16 жасқа дейінгілер арасында Дэвис кубогының финалдық кезеңінде екінші жыл қатарынан бақ сынайды.
Шымкенттегі Турнир жас спортшылар үшін сынақ қана емес, олардың кәсіби өсуінің маңызды кезеңі болды. Ойыншылар халықаралық матчтардың баға жетпес тәжірибесіне ие болды, бұл оларға одан әрі жетілдіруге және мансапта жаңа биіктерге жетуге көмектеседі.
Жанкүйерлер қазақстандық команданы белсенді қолдап, трибуналарда нағыз мереке атмосферасын құрды. Олардың қолдауы ұлттық құраманың осы турнирдегі жетістіктерінде маңызды рөл атқарды.
Жасөспірімдер құрамасы жаттығуға және жаңа сынақтарға дайындалуға баса назар аудара отырып, келесі маусымға дайындалуда. Қазақстанның жасөспірімдер құрамасы өз жанкүйерлерін халықаралық аренадағы жарқын жеңістерімен және жетістіктерімен қуантуды жалғастырады деп күтілуде.
Осылайша, финалда жеңілгеніне қарамастан, Қазақстанның жасөспірімдер құрамасы өзінің жасындағы ең мықты командалардың бірі екенін дәлелдеді және әлемдік теннисте жоғары марапаттар үшін күресуге дайын.