Мақтатарал аудандық кітапханасында ҚР Тәуелсіздігінің 30 жылдығына орай, зиялы қауым өкілі, ауданның құрметті азаматы, аудандық Қоғамдық келісім кеңесінің төрағасы Елдар Абсаттарұлы Қазыбековпен этнос жастарының кездесуі болып өтті.
Еркін форматта өткен жиында Тәуелсіздік күнінің маңызы, осы жылдарда еліміздің жеткен жетістіктері жайлы сөз болды. Сонымен қатар, кездесуде жастар Елдар Абсаттарұлымен сұхбаттасып, көкейінде жүрген сұрақтарын қойып пікір алмасты. Талқыланған тақырыптар қатарында мәдени, білім, спорт салаларына қатысты өзекті мәселелер бар.
Өз кезегінде Елдар Абсаттарұлы алдағы уақытта жастарды тәрбиелеуде маңызды, тағылымы мол шаралар өткізу жоспарда бар екенін айтып, жастардың саналы тәрбиемен, сапалы біліммен сусындап өсуіне тілектестік білдірді.
«No-comment.kz»-ақпарат
