Бүгінде Мессидің "Барселона" клубынан кеткісі келетінін естіп алған алпауыт клубтар аргентиналық шабуылшыны сатып алу үшін ұзын-сонар кезекке тұрды.
Дегенмен, басты кандидат каталондық клубтың бұрынғы бапкері Пеп Гвардиола баптайтын "Манчестер сити" клубы. Тіпті, олардың Месси үшін 200 миллион еуро төлеуге дайын екенін журналистер жарыса жазуда. Одан бөлек, әлемнің үздік ойыншысын команда қатарына қосуға атақты футболшы, ағылшындық "Челси" клубының бапкері Френк Лэмпард та кіріскен секілді.
Өйткені, Лео Месси "Манчестер сити" және "Челси" клубтарының instagram парақшасына жазылды. Ал, каталондықтар "Мессиді сатып алғысы келгендер 700 миллион еуро төлейді" деп отыр. Месси болса, клубтан еркін агент ретінде кеткісі келеді-мыс. Не болса да, уақыт еншісінде.
