Душанбеде (Тәжікстан) өтіп жатқан дзюдодан жасөспірімдер арасындағы әлем чемпионатында қазақстандық спортшы Талғат Орынбасар қола жүлде үшін күресу мүмкіндігіне ие болды, деп хабарлайды No-comment.kz - Olympic.kz сайтына сілтеме жасап.
60 келіге дейінгі салмақта Орынбасар италиялық Винченцо Манферлоттиді жұбаныш айналымында таза жеңді.
Осылайша, қазақстандық дзюдошы қола жүлде үшін күресуге мүмкіндік алды. Оның қарсыласы Әзербайжаннан келген Низами Имранов болмақ.
66 келіге дейінгі салмақтағы Мағжан Әлжановтың да үшінші орынға таласуға мүмкіндігі болған еді. Алайда ол жұбаныш айналымында қарсыласы италиялық Алессио Де Лукеге есе жіберді.
