«Тұран» шағынауданын дамыту бойынша қала әкімі Мұрат Әйтеновтің төрағалығымен өткен көшпелі жиында аталған аудан тұрғындары №17 машрутты созу туралы өтініш жасаған болатын, деп хабарлайлы Шымкент қаласы әкімдігінің баспасөз қызметі.
Тұрғындардың өтінішін назарға алған қала басшысы бұл мәселені шешуді қалалық жолаушылар көлігі және автомобиль жолдары басқармасының басшысы Ержан Жолдасовқа тапсырған болатын. Міне бүгін басқарма басшысы өз бақылауына алып, аталған маршрутты Тұран-1-де орналасқан үйлерге дейін ұзартты.
№17 маршруттың аралық жиілігі 20-25 минутты құрайды. Бұл бағытта жұмыс күндері -7, ал демалыс күндері -5 автобус қызмет көрсетеді. Тағы айта кететін жағдай басқарма тарапынан м/а тұрғындары санының өсуіне байланысты №75 маршрутты қосу жұмыстары жоспарлануда.
