Сонымен қатар ол статистикалық мәліметтерге тоқталып өтті. Мәселен, 2024 жылғы 23 желтоқсаннан 2025 жылдың 20 қаңтарына дейін банк омбудсманының атына банктік қарыздар бойынша келіспеушіліктерді реттеуге байланысты ресми тіркелген 550-ден астам өтініш келіп түсті. Барлық байланыс арналары бойынша өтініштердің жалпы саны 960-тан асты. Және бұл көрсеткіш күн сайын артып келеді.
«Банк омбудсманы өтініштерді тек сотқа дейінгі кезеңде қарайтынын атап өткен жөн. Егер сот шешімі шығарылса, атқарушылық жазба қойылса немесе талап арыз берілсе, мұндай өтініштер қарауға жатпайды және Банк омбудсманы ол бойынша жұмыс жүргізе алмайды», – деді спикер.
Банк омбудсманына жүгінген кезде қарыз алушы банкте немесе коллекторлық агенттікте туындаған жағдайды реттеу үшін өз өтінішінің дәлелдерін ұсынуы тиіс, яғни банк омбудсманына қаржы ұйымынан жауап немесе жауапсыз қалған өтініш қажет. Оның қызметтері тегін, бірақ заңды тұлғалар мен жеке кәсіпкерлердің өтініштері қарастырылмайды.
Заңға сәйкес, қарыз алушы осы шешіммен келіскен жағдайда банк омбудсманының шешімі банк пен коллекторлық агенттік үшін міндетті болып табылады. Инновациялар Банк омбудсманы институтына келіспеушіліктерді реттеуде пәрменді құрал болуға мүмкіндік береді және бірқатар артықшылықтарға ие болады. Мысалы, банктік қызметтерді тұтынушылардың үлкен тобына олардың келіспеушіліктерін банк омбудсманымен шешуге қол жетімділікті қамтамасыз ету және сол арқылы тұтынушылардың банк жүйесіне деген сенімін арттыру сынды басымдықтар бар. Сондай-ақ сотқа дейінгі тәртіппен банктер коллекторлық агенттіктер мен қарыз алушылар арасындағы реттелген келіспеушіліктер санының артуы, әлеуметтік шиеленісті төмендету көзделген. Қаржы реттеушісіне және сот органдарына өтініштер санын азайту есебінен жүктеменің төмендеуі, сондай-ақ қарыз алушылардың үлкен тобын ұзақ және қымбат сот процестерінен босату болжанады, өйткені банк омбудсманының қызметтері тегін.
